Endlich wieder zurück. Und für alle, die vergessen haben sollten, wie ich ticke, hier ein Steckbrief meiner Spezies:
Homo palatinensis:
Hängt
dir enner mir nix, dir nix en Ring Worschd um de Hals
un
wickelt in e alt Rheipalz dir e klää Töppel Schmalz
drückt
dir ee, zwee Schoppe Riesling in die Hand un sagt: “Halt´s!
Steht
dir dann a noch sei Zwiwwelsubb scharf nuff bis zum Hals
oder
krummeld se gar bis nunner zum Hinnern - un knalld´s?
Lache
die Leit um dich rum ständisch als wärns uff de Walz?
Kriegscht
ach vun jedem, als wolltscht neu eizieh, Brot g´reicht und Salz.
Dann
nemm doch Woi, Worscht, unn die Supp unn alls annre unn b´halts
Denn du
bischt bei uns Pälzer in unsrer goldische Palz.
Un sacht
einst ach Jesus - vom Deifel verführt: „Die Palz? b´halts!“,
sein
Vadder is g´blibbe, denn hier lebt ma göttlisch. Ihm gfallt´s!
Aach ihr
bleibt am End, glabd ma´s, des macht unser zärtlich Balz.
Also, tach ach.
Jogi
