Hängt dir enner - mir nix, dir nix - en Ring Worscht um de Hals
un wickelt in e alt Rheipalz dir ä klee Töppel Schmalz
drückt dir ee, zwee Schoppe Riesling in die Hand un saacht: “Halt´s!
Steht dir dann a noch sei Zwiwwelsupp scharf nuff bis zum Hals
oder krummelt se gar bis nunner zum Hinnern, un knallts?
Lache die Leut um dich rum ständisch, als wärns uff de Walz?
Kriegscht ach vun jedem, als wolltscht nei eizieh, Brot g´reicht und Salz.
Dann nemm doch Woi, Worscht, unn die Supp unn alls annre unn b´halts
Denn du bischt bei uns Pälzer in unsrer goldische Palz.
Un saacht einst aach Jesus, vom Deifel verführt: „die Palz? b´halts!“,
sein Vadder is blibbe, denn hier lebt ma göttlich - ihm gfallts!
Aach ihr bleibt am End, glabt ma´s, dess macht unser zärtlich Balz.
